Hobbies

Eigentläch hani ganz viu Hobbies, eifach leider nid
ganz so viu Zyt dazue wini müessti ha...

Eini vo mine gröschte Lideschafte isch natürlech z schlafe,
das isch jedoch o grad das wo äuä vo auem am chürzischte mues trätte.
Das steit nämlech imene zimleche Inträssekonflikt mitem
i Usgang ga, das isch haut eifach so u chame gloub o nid ändere!

Wenni de mau chli Zyt ha tueni gärn fötele (meischens isch
irgend ä Cam mit mir ungerwägs). Uf däm Gebiet machi
Landschafts-, Architektur-, Portrait-, Makro- oder Aktfotos.
Natürlech o angers, aber mi cha ja nid aues ufzeue.
So entstöh zum Bispiu aube o Schnappschüss vo Parties
wo mängisch paarne zimlech pinlech si...

Öppis witers wär de no dr Sport, wobi dä chunt its äbe
rächt z churz. Tue gärn squashe, inline, bike, boarde
leite Liechathletik u je nach luscht machi o no angers.

Lose gärn Musig (i love housemusic, aber o angers),
wasme natürlech o sehr guet cha mitem outofahre
verbinde, woni äbe viu z viu mache...

Im witere bini o nid abgneigt mau ä Drink z nä,
ar Uswahl sötts gloub nid mangle ;-)

Viläch o no erwähnenswärt isch da dr,
hmmm würd scho fasch säge, Tigg woni
i sache Parfum ha, irgendwie sis scho fasch
chli viu worde mit dr Zyt...

Öööhm, ja zwüschdüre schrubi no chli a mire
Site ume, schüsch chönntme ja das hie zum
Bispiu nid läse! ;-)